Elie Saab

Elie Saab “Haute Couture” və “Pret-a-Porte” üzrə ixtisaslaşmış dəbli brenddir. 1982-ci ildə livanlı dizayner Eli Saab tərəfindən əsası qoyulmuşdur. Dəsti-xətti ilə seçilən brend 90-cı illərdə Fransa və İsveçrədən geyim sifarişləri alırdı. Holly Berry-nin “Oscar” mükafatlandırma mərasiminə bu markanın dizayn etdiyi libasda qatılması brendə dünya şöhrəti gətirir. İlk ətrinin istehsalı üçün 2009-cu ildə Beaute Prestige International (BPI) ilə əməkdaşlıq quran Elie Saab brendi, 2011-ci ildə ilk ətrini təqdim edir. Ətir istehsalına xüsusi diqqətlə yanaşan dizayner, ətir seriyasının geyim kolleksiyaları kimi uğurlu olması üçün əlindən gələni edir.

Beyrutda, Livanda baş ofisi və əsas emalatxanaları yerləşən markanın, Paris və Milanda da emalatxanaları var. Şirkətin ofisləri Böyük Britaniya, ABŞ, Rusiya və Hong Kongda yerləşir. Dünya üzərində brendə məxsus 60-dan çox butik vardır. Brend geyimlərlə yanaşı aksessuarlar və ətriyyat istehsal edir.